മലവെള്ളപ്പാച്ചിലില് കാട്ടുതടി പിടിക്കാനിറങ്ങിയ യുവാക്കളെ പൊലീസ് അറസ്റ്റ് ചെയ്തു. കോട്ടമണ്പാറ സ്വദേശികളായ രാഹുല് സന്തോഷ്, നിഖില് ബിജു, വിപിന് സണ്ണി എന്നിവരെയാണ് അറസ്റ്റ് ചെയ്തത്.
സീതത്തോടില് മലവെള്ളപ്പാച്ചിലില് ഒഴുകി വന്ന തടിയുടെ മുകളില് കയറി ദൃശ്യങ്ങള് പകര്ത്തി സമൂഹ മാധ്യമങ്ങളില് പ്രചരിപ്പിച്ച ഈ യുവാക്കള്ക്കെതിരെ പൊലീസ് നേരത്തെ കേസെടുത്തിരുന്നെങ്കിലും, ഇന്ന് ഉച്ചയോടെയാണ് ഇവരെ അറസ്റ്റ് ചെയ്തത്.
എന്നാല് അറസ്റ്റിന് ശേഷം ഇവരെ മൂന്ന് പേരെയും സ്റ്റേഷന് ജാമ്യത്തില് വിട്ടു. ദുരന്ത നിവാരണ നിയമത്തിലെ വിവിധ വകുപ്പുകള് പ്രകാരമാണ് പൊലീസ് കേസെടുത്തതും അറസ്റ്റ് ചെയ്തതും.