Home News നിയമസഭാ കയ്യാങ്കളിക്കേസ്; കോടതി പറഞ്ഞാൽ ഹാജരാകുമെന്ന് മന്ത്രി ശിവൻകുട്ടി

നിയമസഭാ കയ്യാങ്കളിക്കേസ്; കോടതി പറഞ്ഞാൽ ഹാജരാകുമെന്ന് മന്ത്രി ശിവൻകുട്ടി

130
0

നിയമസഭാ കയ്യാങ്കളിക്കേസിൽ കോടതി ആവശ്യപ്പെട്ടാൽ തീർച്ചയായും ഹാജരാകുമെന്ന് മന്ത്രി വി ശിവൻകുട്ടി. കേസിൽ കോടതി പറഞ്ഞാൽ അനുസരിച്ചേ പറ്റുവെന്ന് മന്ത്രി പറഞ്ഞു. നിലവിൽ വിടുതൽ ഹ‍‍ർജി ഹൈക്കോടതിയുടെ പരിഗണനയിലാണെന്നും ഹൈക്കോടതി ഹ‍‍ർജി പരിഗണിച്ചശേഷമേ വിചാരണക്കോടതി കേസ് പരിഗണിക്കുകയുള്ളുവെന്നും മന്ത്രി പറഞ്ഞു.

നിയമസഭാ കയ്യാങ്കളിക്കേസിൽ സെപ്റ്റംബർ 14ന് മന്ത്രി വി ശിവൻകുട്ടി അടക്കമുള്ള മുഴുവൻ പ്രതികളും നേരിട്ട് ഹാജരാകണമെന്ന് ഇന്ന് കോടതി വ്യക്തമാക്കിയിരുന്നു. തിരുവനന്തപുരം സിജെഎം കോടതിയാണ് കുറ്റപത്രം വായിച്ച് കേൾക്കാൻ പ്രതികൾ ഹാജരാകണമെന്ന് ഉത്തരവിട്ടത്. ശിവൻകുട്ടിക്ക് പുറമെ ഇ പി ജയരാജൻ, കെ ടി ജലീൽ, കെ അജിത്, കെ കുഞ്ഞമ്മദ്, സി കെ സദാശിവൻ എന്നിവരാണ് മറ്റ് പ്രതികൾ.

മുന്‍ ധനമന്ത്രി കെ എം മാണിയുടെ ബജറ്റ് അവതരണം തടസ്സപ്പെടുത്തുന്നതിനിടെ പൊതുമുതല്‍ നശിപ്പിച്ച കേസിലാണ് വിദ്യാഭ്യാസ മന്ത്രി ഉള്‍പ്പെടെ വിചാരണ നേരിടാന്‍ പോകുന്നത്. കേസ് പിന്‍വലിക്കണമെന്ന സര്‍ക്കാരിന്‍റെ ആവശ്യം സുപ്രീംകോടതി രൂക്ഷവിമര്‍ശനത്തോടെ തള്ളിയിരുന്നു. ആദ്യം തിരുവനന്തപുരം സിജെഎം കോടതിയിലാണ് സര്‍ക്കാരിന്‍റെ ആവശ്യം തള്ളിയത്. ഇതിന്‍റെ അപ്പീല്‍ തള്ളിയ സുപ്രീ കോടതി വിചാരണ നടത്താനും നിര്‍ദേശിക്കുകയായിരുന്നു.

Previous articleമന്ത്രി ആർ.ബിന്ദുവിന്റെ പേരിൽ വ്യാജ വാട്സ്ആപ് അക്കൗണ്ട് ഉണ്ടാക്കി തട്ടിപ്പ് നടത്താൻ ശ്രമം; ഡിജിപിക്ക് പരാതി നൽകി
Next articleഭാഗ്യക്കുറിവകുപ്പ് ഇരുപത് കോടി രൂപ ആരോഗ്യവകുപ്പിന് കൈമാറി