Home News സ്വര്‍ണം മറിക്കുമെന്ന ഭയം, യുവാവിന് സ്വര്‍ണ്ണക്കടത്ത് സംഘത്തിന്റെ ക്രൂര മര്‍ദ്ദനം

സ്വര്‍ണം മറിക്കുമെന്ന ഭയം, യുവാവിന് സ്വര്‍ണ്ണക്കടത്ത് സംഘത്തിന്റെ ക്രൂര മര്‍ദ്ദനം

129
0
സ്വര്‍ണ്ണക്കടത്ത് സംഘം യുവാവിനെ മര്‍ദ്ദിക്കുന്ന ദൃശ്യങ്ങള്‍ പുറത്ത്. കോഴിക്കോട് പേരാമ്പ്ര സ്വദേശിയെ ഗള്‍ഫില്‍ വച്ചാണ് സംഘം മര്‍ദ്ദിച്ചത്. പന്തിരിക്കര സ്വദേശി ഇര്‍ഷാദ് വധക്കേസിലെ മുഖ്യ പ്രതി നാസര്‍ എന്ന സ്വാലിഹുമായി ബന്ധമുളള സംഘമാണ് സ്വര്‍ണ്ണം മറിച്ചു നല്‍കുമെന്ന സംശയത്തില്‍ യുവാവിനെ മര്‍ദ്ദിച്ചതെന്നാണ് വിവരം. സ്വര്‍ണ്ണക്കടത്ത് സംഘത്തില്‍ നിന്നും രക്ഷപ്പെട്ട പേരാമ്പ്ര സ്വദേശി നാട്ടിലെത്തിയിട്ടുണ്ട്
ദുബായിലെ സ്വര്‍ണ്ണക്കടത്ത് സംഘങ്ങളുടെ കേന്ദ്രത്തില്‍ വച്ച് മര്‍ദ്ദിക്കുകയായിരുന്നു. അതിക്രൂര മര്‍ദ്ദനത്തിന് ശേഷം യുവാവിനെ വിട്ടയച്ചു, ഇയാള്‍ ഇപ്പോള്‍ നാട്ടില്‍ എത്തിയിട്ടുണ്ട്. ഇര്‍ഷാദ് വധക്കേസ് പ്രതി നാസര്‍ എന്ന സ്വാലിഹുമായി ബന്ധമുളള സംഘമാണ് യുവാവിനെ മര്‍ദ്ദിച്ചതെന്നാണ് വിവരം.
ഇതിന് സമാനമായ രീതിയിലാണ് പന്തിരിക്കര സ്വദേശി ഇര്‍ഷാദിനെയും സംഘം തട്ടിക്കൊണ്ടുപോയി തടങ്കലില്‍ പീഡിപ്പിച്ചത്. വിദേശത്ത് നിന്നും കൊടുത്തുവിട്ട സ്വര്‍ണ്ണം, മറ്റൊരു സംഘത്തിന് കൈമാറിയതോടെ ഇത് തിരിച്ചെടുക്കാനാണ് ഇര്‍ഷാദിനെ സംഘം തട്ടിക്കൊണ്ടുപോയത്. അറുപത് ലക്ഷം വില വരുന്ന സ്വര്‍ണ്ണമാണ് ഇര്‍ഷാദ് നാട്ടിലെത്തിച്ച ശേഷം മറ്റൊരു സംഘത്തിന് കൈമാറിയത്.
Previous articleമുഖ്യമന്ത്രിയുടെ പ്രൈവറ്റ് സെക്രട്ടറി  കെ കെ രാഗേഷിന്റെ ഭാര്യയുടെ ഡെപ്യൂട്ടേഷന്‍ നീട്ടി
Next article‘മൂന്നു ദിവസത്തിനകം യോഗി ആദിത്യനാഥിനെ ബോംബ് വച്ചു കൊല്ലും’