Home News പിന്നെ ആരുടെ പേര് പറയണം, തന്റെ പേര് പറയണോ? മാധ്യമപ്രവര്‍ത്തകയെ അധിക്ഷേപിച്ച് പി.സി.ജോര്‍ജ്

പിന്നെ ആരുടെ പേര് പറയണം, തന്റെ പേര് പറയണോ? മാധ്യമപ്രവര്‍ത്തകയെ അധിക്ഷേപിച്ച് പി.സി.ജോര്‍ജ്

66
0

ചോദ്യംചോദിച്ച വനിത മാധ്യമപ്രവര്‍ത്തകയോട് മോശമായി പെരുമാറി പി.സി.ജോര്‍ജ്. പരാതിക്കാരിയുടെ പേര് പരസ്യമായി പറയുന്നത് ശരിയാണോ എന്നായിരുന്നു മാധ്യമപ്രവര്‍ത്തകയുടെ ചോദ്യം. പിന്നെ ആരുടെ പേര് പറയണം, തന്റെ പേര് പറയണോ? എന്ന അധിക്ഷേപ ചോദ്യമായിരുന്നു ജോര്‍ജിന്റെ മറുപടി. ഇതോടെ മാധ്യമപ്രവര്‍ത്തകര്‍ ഒന്നാകെ പ്രതിഷേധിച്ചു.

സോളാര്‍ തട്ടിപ്പ് കേസിലെ പ്രതിയുടെ രഹസ്യമൊഴിയില്‍ മ്യൂസിയം പൊലീസാണ് ജനപക്ഷം നേതാവ് പി.സി ജോര്‍ജിനെ അറസ്റ്റ് ചെയ്തത്.
354,354എ വകുപ്പുകള്‍ ചുമത്തിയാണ് ജോര്‍ജിനെതിരെ കേസെടുത്തത്.

ഈ വര്‍ഷം ഫെബ്രുവരി 10 ന് തിരുവനന്തപുരം ഗസ്റ്റ് ഹൗസില്‍ വച്ച് ലൈംഗിക താല്‍പര്യത്തോടെ തന്നെ കടന്നുപിടിച്ചെന്നും അശ്ലീല സന്ദേശങ്ങള്‍ അയച്ചെന്നും സോളാര്‍ കേസ് പ്രതി രഹസ്യ മൊഴി നല്‍കിയിരുന്നു. പീഡനശ്രമം, അശ്ലീല സന്ദേശം, കടന്ന് പിടിക്കല്‍ എന്നീ വകുപ്പുകള്‍ ചുമത്തിയാണ് കേസ്. 2022 ഫെബ്രുവരി 10 ന് തൈക്കാട് ഗസ്റ്റ് ഹൗസില്‍ വച്ചാണ് സംഭവം നടന്നതെന്ന് പരാതിക്കാരി മൊഴിയില്‍ പറയുന്നു.

 

Previous articleഫോണും ഇന്റര്‍നെറ്റും ഇല്ല, കുറെ ഒട്ടകങ്ങളും ആടും മാത്രം കൂട്ടിന്; ആടുജീവിതത്തെ നേരിട്ടറിയാന്‍ ജോര്‍ദാന്‍ മരുഭൂമിയിലെത്തി എ.ആര്‍ റഹ്‌മാന്‍
Next articleതനിക്ക് രാഷ്ട്രീയ ലക്ഷ്യങ്ങളില്ല, പിസി ജോര്‍ജ്ജിന് എതിരെ വ്യക്തമായ തെളിവുകളുണ്ട്; പരാതിക്കാരി