Home News കോഴിക്കോട് മാനസികാരോഗ്യ കേന്ദ്രത്തില്‍നിന്ന് രോഗി രക്ഷപ്പെട്ട സംഭവം; സൂപ്രണ്ടിന് സസ്‌പെന്‍ഷന്‍

കോഴിക്കോട് മാനസികാരോഗ്യ കേന്ദ്രത്തില്‍നിന്ന് രോഗി രക്ഷപ്പെട്ട സംഭവം; സൂപ്രണ്ടിന് സസ്‌പെന്‍ഷന്‍

191
0

കോഴിക്കോട് കുതിരവട്ടം മാനസികാരോഗ്യ കേന്ദ്രത്തില്‍നിന്ന് രോഗി രക്ഷപ്പെട്ട സംഭവത്തില്‍ സൂപ്രണ്ടിന് സസ്‌പെന്‍ഷന്‍. ആരോഗ്യ വകുപ്പ് മന്ത്രി വീണാ ജോര്‍ജിന്റെ നിര്‍ദേശത്തെ തുടര്‍ന്നാണ് നടപടി. മാനസികാരോഗ്യ കേന്ദ്രത്തിലെ സൂപ്രണ്ട് ഡോ. കെ സി. രമേശനെയാണ് സര്‍വീസില്‍ നിന്നും സസ്‌പെന്‍ഡ് ചെയ്തത്.

മാനസികാരോഗ്യ കേന്ദ്രത്തില്‍ നിന്ന് രക്ഷപ്പെട്ട രോഗി വാഹനാപകടത്തില്‍ മരിച്ചതുമായി ബന്ധപ്പെട്ടാണ് സസ്‌പെന്‍ഷന്‍. സംഭവത്തില്‍ അന്വേഷണം നടത്തി റിപ്പോര്‍ട്ട് നല്‍കാന്‍ മന്ത്രി ആരോഗ്യ വകുപ്പ് ഡയറക്ടര്‍ക്ക് നിര്‍ദേശം നല്‍കിയിരുന്നു.

ഈ റിപ്പോര്‍ട്ടില്‍ സൂപ്രണ്ടിന്റെ ഭാഗത്ത് നിന്നും കൃത്യവിലോപം സംഭവിച്ചതായി കണ്ടെത്തിയിരുന്നു. ആശുപത്രിയിലെ തുടര്‍ച്ചയായുണ്ടാകുന്ന പ്രശ്നങ്ങളുടെ പരിഹാരത്തിന് അനാസ്ഥ കാണിക്കുന്ന സൂപ്രണ്ടിനെതിരെ നടപടി വേണമെന്ന് ശിപാര്‍ശ ചെയ്തിരുന്നു. സര്‍ക്കാര്‍ ഇക്കാര്യം വിശദമായി പരിശോധിച്ചാണ് സസ്പെന്‍ഡ് ചെയ്യാന്‍ ഉത്തരവിട്ടത്.

 

Previous articleബേസില്‍ ജോസഫ്, ദര്‍ശന ടീമിന്റെ ‘ജയ ജയ ജയ ജയ ഹേ’; ചിത്രികരണം പുരോഗമിക്കുന്നു
Next articleതിയറ്ററുകളില്‍ 50 പ്രദര്‍ശന ദിനങ്ങള്‍ പിന്നിട്ട് കെജിഎഫ് 2; നന്ദി അറിയിച്ച് നിര്‍മ്മാതാക്കള്‍