മുഖ്യമന്ത്രി പിണറായി വിജയന് തൃശൂരിലും കനത്ത സുരക്ഷ. മുഖ്യമന്ത്രി താമസിക്കുന്ന രാമനിലയത്തില്‍ കനത്ത പൊലീസ് കാവലാണ് ഒരുക്കിയിരിക്കുന്നത്. പ്രതിപക്ഷ സംഘടനകളുടെ പ്രതിഷേധം കണക്കിലെടുത്ത് കൂടുതല്‍ പൊലീസിനെ വിന്യസിച്ചു. ജലപീരങ്കി സംവിധാനം ഉള്‍പ്പെടെയുള്ളവ വിന്യസിച്ചിട്ടുണ്ട്.
മുഖ്യമന്ത്രി പിണറായി വിജയന് തൃശൂര്‍ രാമനിലയം ഗസ്റ്റ് ഹൗസിലാണ് ഇന്ന് രാത്രി താമസിക്കുന്നത്. പൊലീസ് വലയത്തിലാണ് ഗസ്റ്റ് ഹൗസ്. ചെല്ലാനത്തെ പരിപാടിക്ക് ശേഷമാണ് മുഖ്യമന്ത്രി തൃശൂരിലേക്ക് എത്തുന്നത്. നാല്‍പ്പതംഗ കമാന്‍ഡോ സംഘമാണ് മുഖ്യമന്ത്രിയെ വിന്യസിക്കുന്നത്. ഇന്ന് തൃശൂരില്‍ തങ്ങുന്ന മുഖ്യമന്ത്രി നാളെയാണ് മുഖ്യമന്ത്രി മലപ്പുറത്തേക്ക് എത്തുക
പ്രതിപക്ഷ പ്രതിഷേധ സാധ്യതയെ തുടര്‍ന്ന് കോട്ടയത്തും കൊച്ചിക്കും കനത്ത സുരക്ഷയായിരുന്നു മുഖ്യമന്ത്രിക്ക് ഒരുക്കിയത്. പ്രതിഷേധ സാധ്യത മുന്നില്‍ കണ്ടാണ് പൊലീസിന്റെ കനത്ത സുരക്ഷ.
