Home News ആരോഗ്യമന്ത്രി പതാക ഉയര്‍ത്തി, പതാക കയറില്‍ കുടുങ്ങി; തിരിച്ചിറക്കി വീണ്ടും ഉയര്‍ത്തി

ആരോഗ്യമന്ത്രി പതാക ഉയര്‍ത്തി, പതാക കയറില്‍ കുടുങ്ങി; തിരിച്ചിറക്കി വീണ്ടും ഉയര്‍ത്തി

51
0
പത്തനംതിട്ടയില്‍ സ്വാതന്ത്ര്യ ദിനാഘോഷത്തിന്റെ ഭാഗമായി ദേശീയ പതാക ഉയര്‍ത്തിയതില്‍ പിഴവ്. പാതി പൊങ്ങിയ ദേശീയ പതാക, ചുറ്റിയ കയറില്‍ കുടുങ്ങുകയായിരുന്നു.  തുടര്‍ന്ന് പതാക തിരിച്ച് ഇറക്കി. ആരോഗ്യമന്ത്രി വീണ ജോര്‍ജ് പതാക ഉയര്‍ത്തുന്നതിനിടെയാണ് പിഴവ് സംഭവിച്ചത്.
മന്ത്രി പതാക ഉയര്‍ത്തിയപ്പോഴേക്കും കയര്‍ പതാകയില്‍ കുരുങ്ങുകയും പതാക നിവരാതെ വരുകയും ചെയ്തു. ഇതോടെ  ഉദ്യോഗസ്ഥര്‍ പതാക താഴെ ഇറക്കി, പതാക കെട്ടിയതിലെ അപാകത പരിഹരിച്ചു. തുടര്‍ന്ന് പൊലീസ് ഉദ്യോഗസ്ഥരാണ് പതാക ഉയര്‍ത്തിയത്. മന്ത്രി വീണ ജോര്‍ജും ജില്ലാ കളക്ടര്‍ ദിവ്യ എസ്.അയ്യരും ദേശീയ പതാകയെ അഭിവാദ്യം ചെയ്തു.
സ്വാതന്ത്ര്യത്തിന്റെ തലേന്നും ചിലര്‍ നാടിന്റെ സമാധാനം തല്ലിക്കെടുത്താന്‍ ശ്രമിക്കുന്നു എന്നത് അപലപനീയമാണെന്ന് തുടര്‍ന്ന് സ്വാതന്ത്ര്യദിന  പ്രസംഗത്തില്‍ മന്ത്രി പറഞ്ഞു. നേരത്തെ മന്ത്രി ഗാര്‍ഡ് ഓഫ് ഓണര്‍ സ്വീകരിച്ചു.
Previous articleസ്വാതന്ത്ര്യദിന പ്രസംഗം; സവര്‍ക്കറെ അനുസ്മരിച്ച് പ്രധാനമന്ത്രി
Next articleഅടുത്ത 25 വര്‍ഷം രാജ്യത്തിന് അതിനിര്‍ണായകം; അഞ്ച് ലക്ഷ്യങ്ങള്‍