ബിഹാറിലെ പുതിയ മന്ത്രിസഭയില്‍ അംഗമാകാന്‍ പോകുന്ന രാഷ്ട്രീയ ജനതാദള്‍ മന്ത്രിമാര്‍ക്ക് നിര്‍ദേശവുമായി ഉപമുഖ്യമന്ത്രി തേജസ്വി യാദവ്. കാല്‍ തൊട്ട് തൊഴാന്‍ അനുവദിക്കരുത്; മന്ത്രിമാര്‍ക്ക് നിര്‍ദ്ദേശങ്ങളുമായി തേജസ്വി യാദവ്.
കാല്‍ തൊട്ട് തൊഴാന്‍ അനുവദിക്കരുത്. വകുപ്പിന്റെ ചിലവില്‍ പുതിയ വാഹനം വാങ്ങിക്കരുത്. ലാളിത്യം പുലര്‍ത്തണം എന്നിങ്ങനെയുള്ള നിര്‍ദേശങ്ങളാണ് മുന്നോട്ട് വെച്ചിരിക്കുന്നത്.
‘രാഷ്ട്രീയ ജനതാദള്‍ മന്ത്രിമാര്‍ വകുപ്പിന്റെ ചെലവില്‍ പുതിയ കാറോ വാഹനമോ വാങ്ങരുത്,’ മന്ത്രിമാര്‍ക്കുള്ള പ്രധാനപ്പെട്ട 6 നിര്‍ദ്ദേശങ്ങളില്‍ ഒന്നാമത്തെ നിര്‍ദ്ദേശം ഇതാണ്. എല്ലാവരോടും സഹകരിച്ച് പ്രവര്‍ത്തിക്കണമെന്നും ജനങ്ങളോട് അനുതാപപൂര്‍വമായ സമീപനം മാത്രമേ പാടുള്ളൂവെന്നും 32കാരനായ തേജസ്വി വ്യക്തമാക്കി. ‘നമസ്‌തേ’ അല്ലെങ്കില്‍ ‘അദാബ്’ പറഞ്ഞ് കൊണ്ട് ആളുകളെ അഭിവാദ്യം ചെയ്ത് ശീലിക്കണമെന്നും നിര്‍ദ്ദേശങ്ങളില്‍ വ്യക്തമാക്കുന്നുണ്ട്.
