Home News ചൈനയിൽ പടരുന്ന കോവിഡ് വകഭേദം: ബി.എഫ്-7  ഇന്ത്യയിലും സ്ഥിരീകരിച്ചു

ചൈനയിൽ പടരുന്ന കോവിഡ് വകഭേദം: ബി.എഫ്-7  ഇന്ത്യയിലും സ്ഥിരീകരിച്ചു

26
0
ചൈനയിൽ പടരുന്ന കോവിഡ്
വൈറസിൻറെ  വകഭേദം ബി.എഫ്-7  ഇന്ത്യയിലും സ്ഥിരീകരിച്ചു. ഗുജറാത്തിൽ രണ്ട് കേസും ഒഡീഷയിൽ ഒരു കേസുമാണ് സ്ഥിരീകരിച്ചത്. അതിവേഗവ്യാപനമാണ് വകഭേദത്തിന്റെ പ്രത്യേകത.  കൊവിഡ് ഒമിക്രോൺ വൈറസിന്റെ ഉപവകഭേദമായ ബിഎഫ് 7 ആണ് ഇന്ത്യയിൽ സ്ഥിരീകരിച്ചത്. ഗുജറാത്തിലെ രണ്ട് രോഗികൾക്കും ഒഡീഷയിൽ ഒരാൾക്കുമാണ് രോഗം സ്ഥിരീകരിച്ചത്.പുതിയ വകഭേദം സ്ഥിരീകരിച്ചതിനു പിന്നാലെ രാജ്യത്തെ വിമാനത്താവളങ്ങളിൽ പരിശോധന ആരംഭിച്ചിട്ടുണ്ട്. രാജ്യാന്തര യാത്രക്കാരുടെ സ്രവം ശേഖരിക്കലാണ് പുനരാരംഭിച്ചത്. വിദേശത്തുനിന്നും വരുന്നവരിലൂടെ രോഗം പകരുന്നത് തടയാനാണിത്. അതിവേഗ വ്യാപനമാണ് വകഭേദത്തിന്റെ പ്രത്യേകതയെന്ന് വിദഗ്ദര്‍ വിലയിരുത്തുന്നു . പനി, ചുമ എന്നിവയാണ് പ്രധാന ലക്ഷണങ്ങൾ.ചൈനയിൽ കൊവിഡ് ബാധിതരുടെ എണ്ണത്തിൽ വൻ കുതിച്ചു ചാട്ടമുണ്ടായതിന് പിന്നിൽ  ബിഎഫ്.7 വകഭേദമാണ്   .അതെ  സമയം രാജ്യത്തെ കൊവിഡ് സാഹചര്യം അവലോകനം ചെയ്യാൻ കേന്ദ്ര  ആരോഗ്യ മന്ത്രി മൻസുക്  മാണ്ഡവ്യയുടെ അധ്യക്ഷതയിൽ യോഗം ചേർന്നിരുന്നു.
ജാഗ്രത തുടരാനും  നിരീക്ഷണം ശക്തമാക്കാനും ബന്ധപെട്ട ഉദ്യോഗസ്ഥർക്ക് നിർദ്ദേശം നൽകി. കോവിഡ് മാനദണ്ഡങ്ങൾ പിന്തുടരാനും കൊവിഡ് പ്രതിരോധ കുത്തിവയ്പ്പ് എടുക്കാനും കേന്ദ്രമന്ത്രി ജനങ്ങളോട് ആവശ്യപ്പെട്ടു. ചൈന, ജപ്പാൻ, ദക്ഷിണ കൊറിയ, ഫ്രാൻസ്, അമേരിക്ക അടക്കമുള്ള ലോക രാജ്യങ്ങളിൽ കൊവിഡ് വർദ്ധിക്കുന്ന സാഹചര്യത്തിലാണ് ഇന്ത്യ
നിയന്ത്രണങ്ങൾ കടുപ്പിയ്ക്കുന്നത്.
Previous articleസംസ്ഥാനത്ത് കോവിഡ് പ്രതിരോധം ഊര്‍ജിതമാക്കും: മുഖ്യമന്ത്രി
Next articleമണ്ഡലപൂജ : ശബരിമലയിൽ ഒരുക്കങ്ങൾ പൂർത്തിയായി