ലഹരിമരുന്ന് കേസില്‍ ബോളിവുഡ് നടന്‍ സിദ്ധാന്ത് കപൂര്‍ അറസ്റ്റില്‍. നടന്‍ ശക്തി കപൂറിന്റെ മകനും നടി സഹോദരനുമാണ് സിദ്ധാന്ത് കപൂര്‍. മയക്കുമരുന്ന് ഉപയോഗിച്ചതായി പരിശോധനയില്‍ തെളിഞ്ഞതിന്റെ അടിസ്ഥാനത്തിലാണ് നടപടിയെന്ന് ബെംഗളൂരു സിറ്റി പൊലീസ് ഡെപ്യൂട്ടി കമ്മീഷണര്‍ അറിയിച്ചു.
ബെംഗളൂരുവിലെ എംജി റോഡിലെ ഹോട്ടലില്‍ നടന്ന പാര്‍ട്ടിയില്‍ ലഹരി ഉപയോഗിച്ചെന്ന് കണ്ടെത്തല്‍. ബംഗളുരു പൊലീസ് കസ്റ്റഡിയിലുണ്ടായിരുന്ന 35 പേരില്‍ നടത്തിയ പരിശോധനയില്‍ സിദ്ധാന്ത് അടക്കം ആറ് പേര്‍ മയക്കുമരുന്ന് ഉപയോഗിച്ചതായി സ്ഥിരീകരിച്ചു. ഇവര്‍ക്ക് ഹോട്ടലില്‍ നിന്നാണോ മയക്കുമരുന്ന് ലഭിച്ചത് അതോ പുറത്ത് നിന്നാണോ എന്നതില്‍ വ്യക്തതയില്ലെന്നാണ് പൊലീസ് അറിയിക്കുന്നത്.
ഉല്‍സൂര്‍ പൊലീസ് സ്റ്റേഷനിലാണ് നിലവില്‍ സിദ്ധാന്ത് കപൂര്‍ ഉള്ളതെന്ന് ബംഗളൂരു സിറ്റി ഈസ്റ്റ് ഡിവിഷന്‍ ഡിസിപി ഡോ.ഭീമാശങ്കര്‍ എസ് പറഞ്ഞു. 2020-ല്‍ പുറത്തിറങ്ങിയ ‘ബൗകാല്‍’ എന്ന വെബ് സീരീസില്‍ ചിന്തു ദേധ എന്ന കഥാപാത്രത്തെ അവതരിപ്പിച്ച് ശ്രദ്ധ നേടിയ താരമാണ് സിദ്ധാന്ത് കപൂര്‍. ‘ഷൂട്ടൗട്ട് അറ്റ് വഡാല’, ‘അഗ്ലി’, ‘ഹസീന പാര്‍ക്കര്‍’, ‘ചെഹ്രെ’ തുടങ്ങിയ സിനിമകളിലും അദ്ദേഹം അഭിനയിച്ചിട്ടുണ്ട്. ‘
